ഭീതിസാഹിത്യം: ഒരു Essential വായനാലിസ്റ്റ്

 

കുറ്റാന്വേഷണരചനകള്‍ എഴുതുന്നവര്‍ അവശ്യം വായിച്ചിരിക്കേണ്ട ചില പുസ്തകങ്ങളുടെ ലിസ്റ്റ് മുന്‍പൊരു പോസ്റ്റില്‍ ഷെയര്‍ ചെയ്തിരുന്നു. അത് പോലെ Gothic/Horror വിഭാഗത്തില്‍ പെടുന്ന രചനകളുടെ ഒരു Essential Reading List ഉണ്ടാക്കാനുള്ള ശ്രമമാണ്.
============================

പേടിപ്പിക്കുന്ന വാമൊഴിക്കഥകള്‍ വളരെ പണ്ട് കാലം മുതല്‍ ഉണ്ടായിരുന്നതാണ്. പില്‍ക്കാലത്ത് ഈ Genre ന്റെ ഭാഗമായിത്തീര്‍ന്ന പല ഘടകങ്ങളും അക്കാലത്ത് തന്നെ രൂപം കൊണ്ടതാണ്. പരേതാത്മാക്കള്‍, രക്ഷസ്സുകള്‍, വെയര്‍ വൂള്‍ഫ് മിത്ത്, മന്ത്രവാദികള്‍/വാദിനികള്‍, കുട്ടിച്ചാത്തന്‍മാര്‍, പിശാച് എന്ന സങ്കല്‍പം etc etc. എന്നാല്‍ പേടി അനുഭവിപ്പിക്കുക എന്ന ഉദ്ദേശ്യത്തോടെ എഴുതപ്പെട്ട സാഹിത്യത്തില്‍ ഇത്തരം കഥകള്‍ കടന്ന് വന്നത് പതിനെട്ടാം നൂറ്റാണ്ടിന്റെ ഒടുവിലാണ്. Horace Walpole ന്റെ Castle of Otranto (1764) ആദ്യകാലരചനകളില്‍ ഒന്നാണ്. മധ്യകാലമാളിക, പേടിപ്പിക്കുന്ന സംഭവങ്ങള്‍, പ്രകൃത്യാതീതസംഭവങ്ങള്‍ ഒക്കെ നിറഞ്ഞ ഒരു കഥ. വന്‍ വിജയമായിരുന്ന ഈ നോവലിന് ഒരു പാട് അനുകരണക്കാരുണ്ടായി. അവര്‍ ഒരു ഫോര്‍മുലയും രൂപീകരിച്ചു. ഒരു പഴയ മാളികയുടെ പശ്ചാത്തലം, ഇരുളഞ്ഞ അവയുടെ അകം, അതിനുള്ളില്‍ കെണിയിലാക്കപ്പെടുന്ന കഥാപാത്രങ്ങള്‍, അതിനുള്ളില്‍ പ്രേതസാന്നിധ്യം, പ്രാചീനമായ അന്തരീക്ഷം, കാല്‍പനികമായ വിവരണം, ഭീതി, അസ്ഥികൂടങ്ങള്‍, കല്ലറകള്‍, ശ്മശാനങ്ങള്‍. സ്ത്രീകള്‍ ഇത്തരം നോവലുകളുടെ വലിയ വായനക്കാരായി.

============================

Mrs. Ann Radcliffe എന്ന എഴുത്തുകാരിയാണ് ഇവരിലെ ഏറ്റവും Successful ആയ രചയിതാവ്. അവരുടെ Mysteries of Udolpho (1794) പ്രധാനമായ രചനയാണ്. എങ്കിലും ചരിത്രപരമായ പ്രാധാന്യമുണ്ട്, ഗവേഷകര്‍ക്ക് വായിക്കാം ഇക്കാലത്ത് അത്ര വായനാക്ഷമമായ പുസ്തകങ്ങളല്ല ഇവയൊന്നും. എന്റെ അഭിപ്രായത്തില്‍ Walpole, Ann Radcliffe എന്നിവരുടെ രചനകളുടെ പ്രാധാന്യത്തെക്കുറിച്ചും പ്രമേയങ്ങളെക്കുറിച്ചും പൊതുവേ വായിച്ച ശേഷം ജെയിന്‍ ഓസ്റ്റിന്റെ Northanger Abbey (1817) എന്ന നോവല്‍ വായിക്കുന്നത് വളരെ നന്നായിരിക്കും. ഗോഥിക് നോവല്‍ ട്രെന്‍ഡിനെ പരിഹസിച്ചു കൊണ്ട് അത്തരം നോവലുകളുടെ പാരഡി എന്നോണം ജെയിന്‍ ഓസ്റ്റിന്‍ രചിച്ചതാണ് ഈ നോവല്‍. തികച്ചും Delightful എന്ന പറയാവുന്ന ഒരു വായനാനുഭവമാണ് ഈ നോവല്‍.
കാതറിന്‍ മോര്‍ലന്‍ഡ്‌ എന്ന പെണ്‍കുട്ടി ആന്‍ റാഡ്ക്ലിഫിന്‍റെ ഗോഥിക് നോവല്‍ വായിച്ച് വായിച്ച് അത്തരം ഭാവനാലോകത്ത് ജീവിച്ച് വരികയാണ്. അവളുടെ തീ പിടിച്ച ഭാവനകാരണം തനിക്ക് ചുറ്റും ഒരു “ഹൊറര്‍” ലോകം രൂപപ്പെടുകയാണോ എന്ന് അവള്‍ സംശയിക്കുന്നതാണ് പ്രമേയം.
================================

1818 മേരി ഷെല്ലി എഴുതിയ ഫ്രാങ്കന്‍സ്റ്റൈന്‍ ആണ് നിര്‍ബന്ധമായും വായിച്ചിരിക്കേണ്ട ഒരു രചന. സയന്‍സ് ഫിക്ഷന്‍ ഹൊറര്‍ എഴുത്തിന്‍റെ ഒരു പ്രാഗ്രൂപം എന്ന നിലയിലും ഗോഥിക് അന്തരീക്ഷസൃഷ്ടി ഭാഷ, Documents ലൂടെയുള്ള രചനാരീതി, എന്നിങ്ങനെ വിവിധ തലത്തില്‍ ഇന്നും Influential ആയ രചനയാണിത്.


=================================


Edgar Allen Poe യുടെ Tales of Mystery and Imagination നാണ് അടുത്ത സുപ്രധാനമായ നിര്‍ദേശം. അദ്ദേഹത്തിന്റെ മരണശേഷം പ്രസിദ്ധീകരിച്ച സമാഹാരം. ഈ സമാഹാരത്തിലെ William Wilson, The Case of M Valdemar, The Fall of the House of Usher, The Masque of the Red Death, The Tell-Tale Heart, The Black Cat, Berenice, The Pit and the Pendulum എന്നീ കഥകള്‍ വായിച്ചിരിക്കേണ്ടതാണ്. സത്യത്തില്‍ ഗോഥിക് / ഹൊറര്‍ സാഹിത്യത്തെക്കുറിച്ച് വായിച്ചിരിക്കേണ്ട പുസ്തകങ്ങളുടെ തുടക്കവും അന്ത്യവുമായി പരിഗണിക്കാവുന്ന ഒരു പുസ്തകമാണ് ഇത്. വിവിധ തരം ഭീതിരചനകള്‍ക്ക് പരിചയപ്പെടാനും മാതൃകയാക്കാനും ഈ കഥകള്‍ സഹായകമാണ്. ദ്വന്ദം/Doppelganger പ്രമേയമാകുന്ന William Wilson, ക്ലാസിക് ഗോഥിക് ശൈലി പിന്തുടരുന്ന House of Usher, സയന്‍സ് ഫിക്ഷന്‍ ഹൊറര്‍--M Valdemar, ചിത്തഭ്രമം-Tell Tale Heart, പ്രകൃത്യാതീത പ്രതിഭാസങ്ങളോന്നുമില്ലാത്ത മനശാസ്ത്രപരമായ ഭീതികഥ The Black Cat തുടങ്ങിയവ.

==============================

വിക്ടോറിയന്‍ ഇംഗ്ലണ്ടില്‍ ഹൊറര്‍ കഥകള്‍ക്ക് വലിയ പ്രിയമുണ്ടായിരുന്നു. ഡിക്കന്‍സ് ഉള്‍പ്പടെയുള്ളവര്‍ നിരവധി പ്രേതകഥകള്‍ എഴുതിയിട്ടുണ്ട്. എങ്കിലും Essential Reading List ല്‍ വായിക്കേണ്ടവയല്ല. Joseph Sheriden Le Fanu വിന്‍റെ Carmilla (1872) എന്ന Vampire രചനയാണ് അടുത്തതായി വായിക്കേണ്ടത്. Vampire Sub-genre ല്‍ പെട്ട പ്രധാന Text കളില്‍ ഒന്നാണത്. ലൈംഗികതയുടെ അന്യാപദേശമായി രക്ഷസുകഥകളെ അവതരിപ്പിക്കാനുള്ള ശ്രമവും ഇതില്‍ കാണാം.
=============================
RL Stevenson ന്റെ Dr. Jekyll & Mr. Hyde (1886) -ദ്വന്ദവ്യക്തിത്വത്തെക്കുറിച്ചുള്ള ഈ രചന ഒരു പഴയകാലത്തെ വെയര്‍വൂള്‍ഫ് മിത്തിന്‍റെ ഒരു ആധുനികരൂപമായിരുന്നു.


=============================


മോപ്പസാങ്ങിന്‍റെ Horla (1887) , On the River, The Hand etc.


=============================

Rider Haggard ന്റെ She (1887)

=============================

വെല്‍ഷ് എഴുത്തുകാരനായ ആര്‍തര്‍ മാക്കന്‍ ( Arthur Machen) എഴുതിയ The Great God Pan (1894), The Three Imposters (1895) എന്ന സമാഹാരത്തില്‍ ഉള്‍പ്പെട്ട Novel of the Black Seal, Novel of the White Powder എന്നീ രചനകള്‍ വളരെ പ്രധാനമാണ്. HP Lovecraft നെ സ്വാധീനിച്ച, Weird Fiction എന്ന Sub-genre നെ anticipate ചെയ്യുന്ന രചനകളാണ് ആര്‍തര്‍ മാക്കന്‍റേത്.

==============================

.

ബ്രാം സ്റ്റോക്കറുടെ Dracula (1897). Genre സവിശേഷതകള്‍ മനസിലാക്കുന്നതിന്‌ അലന്‍ പോയുടെ പുസ്തകം കഴിഞ്ഞാല്‍ ഏറ്റവും പ്രധാനപ്പെട്ട Text ആണ് Dracula. പ്രാചീനവും ആധുനികവുമായ യഥാക്രമം Gothic- Horror Fiction ന്റെ പൂര്‍ണതയാണ് ഈ നോവല്‍. കത്തുകള്‍, ഡയറിക്കുറിപ്പുകള്‍, പത്രക്കട്ടിംഗുകള്‍ എന്നിവ അടങ്ങിയ Epistolary രചനാരീതി, Vampire Mythologyയുടെ കൂടുതല്‍ വിസ്തൃതമായ അവതരണം എന്നിങ്ങനെ നിരവധി സവിശേഷതകള്‍.


==============================


Henry James ന്റെ Turn of the Screw (1898) എന്ന നോവല്‍. ഒരേ സമയം പ്രേതകഥയും സൈക്കോളജിക്കല്‍ കഥയുമായി വായിക്കാവുന്ന രചനാശൈലി.

==============================

M R James ന്റെ The Collected Ghost Stories of MR James (1931) എന്ന സമാഹാരം. ധ്വനികളിലൂടെയും സൂചനകളിലൂടെയും അര്‍ത്ഥം വിനിമയം ചെയ്യുന്ന സാഹിത്യപരമായ മികവുള്ള കഥകളാണ് എം ആര്‍ ജെയിംസിന്‍റേത്. Ash Tree, Count Magnus, Whistle, and I’ll Come for You, My Lad, The Treasure of Abbot Thomas എന്നിങ്ങനെ പ്രേതകഥകളെക്കുറിച്ചുള്ള സങ്കല്‍പങ്ങളെ തിരുത്തുന്ന നിരവധി കഥകള്‍ ഈ സമാഹാരത്തിലുണ്ട്.


=============================


സര്‍ ആര്‍തര്‍ കോനന്‍ ഡോയല്‍ എഴുതിയ ഭീതികഥകളുടെ സമാഹാരം -- Tales of Terror and Mystery (1923) എന്ന സമാഹാരം, Algernon Blackwood എഴുതിയ The Willows (1907) വാള്‍ട്ടര്‍ ഡിലാ മേയറുടെ All Hallows (1926), കടലിന്‍റെ പശ്ചാത്തലത്തില്‍ ഭീതികഥകള്‍ എഴുതിയ വില്യം ഹോപ്പ് ഹോജ്സന്റെ The Derelict (1912), ഡബ്ല്യു ഡബ്ല്യു ജേക്കബ്സിന്‍റെ Monkey’s Paw (1902), ഇ എഫ് ബെന്‍സന്‍റെ Room In the Tower (1912) തുടങ്ങിയവ വായിക്കേണ്ടതാന്. Robert Aickman ന്റെ Ringing the Changes. (1955)

================================

ഇരുപതാം നൂറ്റാണ്ടിലെ ഹൊറര്‍ ഫിക്ഷനെ മുഴുവന്‍ സ്വാധീനിച്ച എച്ച് പി ലവ്ക്രാഫ്റ്റ് സ്വയം രൂപീകരിച്ചത് ആര്‍തര്‍ മാക്കന്‍, ലോര്‍ഡ്‌ ഡണ്‍സാനി, ആള്‍ജര്‍നണ്‍ ബ്ലാക്ക് വുഡ് എന്നിവരാണ്. അത് വരെയുണ്ടായിരുന്ന ഭീതിസങ്കല്‍പങ്ങള്‍ക്ക് പകരം Cthulhu Mythos എന്ന Other-worldly അസ്ഥിത്വങ്ങളുടെ ഒരു ഗാലറി തന്നെ അദ്ദേഹം സൃഷ്ടിച്ചു. The Call of Cthulhu (1926) , Dunwich Horror (1928) എന്നിവ നിര്‍ദേശിക്കുന്നു.


==================================


Robert Bloch’s Psycho (1959) , Shirley Jackson ന്റെ The Haunting of Hill House (1959) , Robert Matheson ന്റെ Apocalyptic രചന , I am Legend (1954) , സ്റ്റീഫന്‍ കിംഗിന്‍റെ Shining (1980), Pet Sematary (1983), Salem’s Lot (1975).


=================================

ജാപ്പനീസ് ഭീതികഥകള്‍ എഴുതുകയും സമാഹരിക്കുകയും ചെയ്ത Lafcadio Hearn ന്റെ കഥകള്‍ പ്രേതകഥകളുടെ ഏഷ്യന്‍ പാരമ്പര്യം കാണിക്കുന്നു. Kwaidan: Stories and Studies of Strange Things (1904) ഐതിഹ്യമാലയില്‍ നിന്നും കേരളത്തിന്‍റെ പ്രാചീനമന്ത്രവാദപാരമ്പര്യത്തെക്കുറിച്ചുള്ള പുരാവൃത്തങ്ങളില്‍ നിന്നും രൂപം കൊണ്ട കേരളത്തിലെ "മാന്ത്രികനോവല്‍" നമ്മുടെ Unique ആയ ഒരു സംഭാവനയാണ്. European Occult നോവലില്‍ നിന്ന് വ്യത്യസ്തമാണ് അത്. പക്ഷെ ഈ നോവലും ഏറിയ പങ്കും സെന്‍സേഷനല്‍ രീതിയില്‍ തന്നെയെ കൈകാര്യം ചെയ്യപ്പെട്ടിട്ടുള്ളൂ. ശ്രീകൃഷ്ണപ്പരുന്ത്, പള്ളിവേട്ട എന്നീ നോവലുകള്‍ മാതൃകകള്‍ ആണ്.


=================================


ഇതൊരു സമ്പൂര്‍ണ ലിസ്റ്റ് അല്ല. ഓരോ Sub-genre ല്‍ നിന്നുമുള്ള വളരെ പ്രധാനമായി പരിഗണിക്കാവുന്ന, Genre നെ define ചെയ്ത രചനകള്‍ മാത്രമേ ഇവിടെ പരാമര്‍ശിച്ചിട്ടുള്ളൂ.

=================================

എച്ച് പി ലവ്ക്രാഫ്റ്റ് എഴുതിയ പഠനം, Supernatural Terror in Literature, സ്റ്റീഫന്‍ കിംഗ് എഴുതിയ നോണ്‍-ഫിക്ഷന്‍ പുസ്തകം-- Danse Macabre (1981) ഹൊറര്‍ ഫിക്ഷന്‍ എഴുതുന്നവര്‍ക്ക് ഒരു Guide Book ആയി വായിക്കാവുന്നതാണ്.

==============================

ഓരോ തരം സാഹിത്യത്തിനോടുമുള്ള വിവിധ സമൂഹത്തിന്റെ സ്വീകരണം ( Reception) വ്യത്യസ്തമായിരിക്കാം. Gothic/Horror സാഹിത്യം പാശ്ചാത്യസാഹിത്യത്തില്‍ വ്യാപകമായി എഴുതപ്പെടുകയും വായിക്കപ്പെടുകയും ചെയ്യുന്നു. ഒരു കാലം വരെ ഭീതിസാഹിത്യം വില കുറഞ്ഞ സാഹിത്യമാണ് എന്ന നിലപാട് ഉണ്ടായിരുന്നു എങ്കിലും.




ഉന്നതമായ സാഹിത്യത്തിന്റെ ഇത് സവിശേഷതയും ഉള്‍ക്കൊള്ളുന്ന ഭീതിരചനകള്‍ അവിടെ നിന്ന് വന്നിട്ടുമുണ്ട് ആ അംഗീകാരം അവിടെ ഇപ്പോള്‍ ലഭിക്കുകയും ചെയ്യുന്നു. നമ്മുടെ നാട്ടില്‍ പക്ഷെ ഈ രചനാരീതി ഗൌരവമായി പരിചരിച്ചിട്ടുള്ള എഴുത്തുകാര്‍ കുറവാണ്. അതിന് ശ്രമിച്ചിട്ടുള്ളവര്‍ വളരെ സെന്‍സേഷണല്‍ ആയ ശ്രമങ്ങളേ നടത്തിയിട്ടുമുള്ളൂ. ഒരു സമൂഹം അടക്കിവച്ച വികാരങ്ങള്‍, ട്രോമ തുടങ്ങിയ കലാപരമായി പുറത്ത് കൊണ്ട് വരുന്നതില്‍ ഈ രചനാവിഭാഗത്തിന് വലിയ പ്രാധാന്യമുണ്ട്. ഒരു പക്ഷെ Social Realism എന്ന സമീപനത്തെക്കാള്‍ പ്രാധാന്യമുണ്ട്. Horror: A Literary History എന്ന പഠനത്തില്‍ Xavier Aldana Reyes പറയുന്നു: “...the genre is more than frivolous entertainment, more than the sum of its chills and thrills. It can take on serious work and may--more successfully than social realism--allow for veritable insights into the nature of taboo areas that otherwise remain outside the remit of the acceptable. It has capacity to “encapsulate an era, its unspoken worries and aspirations, makes its study particularly rewarding.”

സാഹിത്യം ബിംബങ്ങളും രൂപകങ്ങളും മറ്റ് അലങ്കാരങ്ങളും ഉപയോഗിക്കുന്നതിനെക്കുറിച്ച് വാചാലരാകുന്ന നമ്മുടെ സാഹിത്യസംരക്ഷകര്‍ക്കും ഗോഥിക് ബിംബങ്ങള്‍ക്കപ്പുറത്ത് എന്ത് എന്ന് കാണാനോ, നോക്കാനോ തുനിഞ്ഞിട്ടില്ല എന്ന് വേണം മനസ്സിലാക്കാന്‍.
…................

1. Northanger Abbey (Jane Austen)

2. Frankenstein (Mary Shelley)

3. Tales of Mystery and Imagination (Edgar Allan Poe)


4. Carmilla (Joseph Sheriden Le fanu)

5. Dr. Jekyll& Mr. Hyde, Body Snatcher (RL Stevenson)

6. Horla, The Hand, On the River (Maupassant)

7. She (Rider Haggard)

8. The Great God Pan (Arthur Machen)

9. Dracula (Bram Stoker)

10. Turn of the Screw (Henry James)

11. Ash Tree, Count Magnus (M R James)

12. Lot No 246 (Sir Arthur Conan Doyle)

13. Willows (Algernon Blackwood)

14. All Hallows (Walter De la Mare)

15. The Derelict (William Hope Hodgeson)

16. Monkey’s Paw (WW Jacobs)

17. The Room in the Tower (EF Benson)

18. Ringing the Changes (Robert Aickman)

19. The Call of Cthulhu, Dunwich Horror (H P Lovecraft)

20. Psycho (Robert Bloch)

21. I am Legend (Richard Matheson)

22. The Haunting of Hill House (Shirley Jackson)

23. Salem’s Lot, Pet Sematary, The Shining (Stephen King)

24. Japanese Ghost Stories (Lafcadio Hearne)

25. Danse Macabre (Stephen King-Non fiction)

26. Supernatural Terror in Literature (H P Lovecraft)